Saturday, November 14, 2015
လစ်ဗျား IS အကြီးအကဲ ဗုံးထိသေဆုံး
အမေရိကန်ရဲ့ လေကြောင်းတိုက်ခိုက်မှုအတွင်း လစ်ဗျားနိုင်ငံက IS စစ်သွေးကြွခေါင်းဆောင် သေဆုံးသွားတယ်လို့ အမေရိကန် ကာကွယ်ရေးဝန်ကြီးဌာနက ပြောလိုက်ပါတယ်။
ဒီတိုက်ခိုက်မှုရဲ့ ပစ်မှတ်ဟာ အီရတ်နိုင်ငံသား အယ်လ်ကိုင်းဒါးအဖွဲ့ဝင် Abu Nabil ဖြစ်တယ်လို့ အမေရိကန် ပန်တဂွန်စစ်ဌာနချုပ်ရဲ့ ပြောခွင့်ရ Peter Cook က ကြေငြာချက်ထဲမှာ ပြောထားပါတယ်။
Nabil ဟာ လစ်ဗျားနိုင်ငံက IS အဖွဲ့ ထိပ်ပိုင်းခေါင်းဆောင်တဦးဖြစ်ပြီး၊ သူဟာ အခုနှစ်အစောပိုင်းက Coptic ခရစ်ယာန်ဘာသာဝင်တွေကို သတ်ဖြတ်ခဲ့တာကို ပြထားတဲ့ ဗွီဒီယိုဖိုင်မှာ ပြောထားတဲ့သူလည်းဖြစ်နိုင်တယ်လို့ ပြောပါတယ်။
Nabil သေဆုံးမှုကြောင့်၊ လစ်ဗျားနိုင်ငံမှာ IS အဖွဲ့ရဲ့ ရည်မှန်းချက်တွေလုပ်ဖို့ အင်အားတွေလည်း လျော့ကျသွားမှာဖြစ်ပါတယ်။ အဲဒီထဲမှာ IS အဖွဲ့ဝင်သစ် စုဆောင်းတာတွေ၊ စခန်းသစ် တည်ဆောက်တာတွေနဲ့ အမေရိကန်ပြည်ထောင်စုကို ပြင်ပကနေ တိုက်ခိုက်ဖို့ အစီအစဉ်တွေပါ ပါဝင်တယ်လို့ Cook က ပြောပါတယ်။
ဗွီအိုအေ (မြန်မာပိုင်း)
http://burmese.voanews.com
တိုက်ခိုက်ခံရမှု အပြီး ပြင်သစ် နိုင်ငံ တွင်း အခြေ အနေ
ပြင်သစ် နိုင်ငံ မှာ သေဆုံး ခဲ့ရ သူတွေ အတွက် နိုင်ငံတော် အဆင့် ဝမ်းနည်းဖွယ် နေ့ ၃ ရက် သတ်မှတ် ထားပါတယ်။
ဒဏ်ရာရသူ တွေ လည်း ၃၅၂ ယောက်ရှိပြီး အဲဒီ့ ထဲက ၉၉ ယောက်ဟာ စိုးရိမ် ရတဲ့ အနေ အထား မှာ ရှိတယ် လို့ ပြင်သစ် အာဏာပိုင် တွေက ထုတ်ဖော် ပြောပါတယ်။
နိုင်ငံတလွှား စစ်တပ် နဲ့ ရဲ တွေ ပိုမို တိုးမြှင့် ချထား နေပြီး ပဲရစ် မှာ လူစုလူဝေး နဲ့ ဆန္ဒပြမှု တွေ၊ အားကစား ပွဲ တွေ အားလုံး ကို ပိတ်ပင် ထားပါတယ်။
မီးရောင်တွေ နဲ့ ထိန်ထိန်ငြီး နေကြ နာမည်ကျော် အိုင်ဖယ် မျှော်စင် ကိုလည်း အမှောင်ချ ထားပြီး အများသူငါ ဝင်ရောက် ခွင့် ပိတ်ပင် ထားပါတယ်။
ဒဏ်ရာ ရသူတွေ အတွက် သွေးလှူဒါန်းဖို့ စောင့်ဆိုင်း နေကြတဲ့ ပဲရစ် မြို့သူ မြို့သား တွေ နဲ့ လူတန်းရှည် ကြီး တွေ ဖြစ်ခဲ့ ကြပါတယ်။
တနင်္လာနေ့ မှာ ကျောင်းတွေ ပြန်ဖွင့် နိုင်မယ် လို့ ပြည်ထဲရေး ဝန်ကြီး ဘယ်နား ခတ်ဇ်နက်ဗ် က ပြောပြီး မနက်ပိုင်း ကျောင်းတွေ အားလုံးမှာ တစ်မိနစ် ငြိမ်သက် ကြမယ် လို့ ဆိုပါတယ်။
BBC Burmese
https://www.facebook.com/bbcburmese
ပြင်သစ် နိုင်ငံ မှာ သေဆုံး ခဲ့ရ သူတွေ အတွက် နိုင်ငံတော် အဆင့် ဝမ်းနည်းဖွယ် နေ့ ၃ ရက် သတ်မှတ် ထားပါတယ်။ ဒဏ်ရာရသူ တွေ လည်း ၃၅၂ ယောက်ရှိပြီး အ...
ပဲရစ်မြို့ တိုက်ခိုက်မှုတွေကို အုပ်စု၃ခုခွဲပြီး လုပ်ဆောင်ခဲ့
ပြင်သစ် ဘက်က လည်း အညှာအတာ မရှိ တုန့်ပြန် မှာ ဖြစ်တယ် လို့ သမ္မတ ဖရော်န်ဆွာ အိုလော်န့် ပြော။ |
အဲဒီ့ တိုက်ခိုက်မှု တွေ ရဲ့ နောက်ကွယ်မှာ သူတို့ ရှိတယ် ဆိုပြီး အစ္စလာမ်မစ် နိုင်ငံ အဖွဲ့ IS အဖွဲ့ က ကြေညာ ထားပါတယ်။
တိုက်ခိုက်မှု ကျူးလွန် ခဲ့ကြ သူ ၇ ဦး သေဆုံး ခဲ့ ကြတယ် လို့ ပြင်သစ် အစိုးရ ရှေ့နေ ဖရော်န်ဆွာ မိုလင် က ပြောပါတယ်။
သူတို့ အားလုံး ဟာ ကလပ်ရ်ှရှိနိကော့ဖ် အမျိုးအစား သေနတ် တွေ အပါအဝင် အသေခံ ဗုံးခွဲ ကိုယ်ကြပ် အင်္ကျီတွေ ဝတ်ဆင် ထား ကြပါတယ်။
တိုက်ခိုက် မှု တွေ ကြောင့် သေဆုံးခဲ့ ရသူ စုစုပေါင်း ၁၂၉ ယောက် ရှိပါတယ်။
သေနတ် သမားတွေ ဝင်ရောက် စီးနင်းပြီး လူအုပ်ထဲ ပစ်ခတ်တာ ခံခဲ့ရတဲ့ ဘာ့ထာကလော်န် ဂီတပွဲ ခန်းမ မှာတင် ၈၉ ယောက် သေဆုံး ခဲ့ရတာ ဖြစ်ပါတယ်။
တိုက်ခိုက်သူတွေ ထဲ က တစ်ဦး ဟာ ပဲရစ် ဆင်ခြေဖုံး အရပ် က ဖြစ်ပြီး ရာဇဝတ်မှု ကျူးလွန်ဖူးကြောင်း မှတ်တမ်း ရှိသူ ဖြစ်ပါတယ်။
ဆီးရီးယား နိုင်ငံကူး စာအုပ် တစ်ခုကို အသေခံ ဗုံးခွဲခဲ့သူတွေ ထဲက တစ်ဦး ရဲ့ အနီး တွေ့ခဲ့ရပါတယ်။
သောကြာနေ့ အကြမ်းဖက်မှု တွေ ဟာ ပြင်သစ် နိုင်ငံ အပေါ် IS တွေ က စစ် ပွဲ ဆင်နွှဲ လာတာ ဖြစ်ပြီး ပြင်သစ် ဘက်က လည်း အညှာအတာ မရှိ တုန့်ပြန် မှာ ဖြစ်တယ် လို့ ပြင်သစ် သမ္မတ ဖရော်န်ဆွာ အိုလော်န့် က ပြောပါတယ်။
BBC Burmese
http://www.bbc.com/burmese
ပြင်သစ် ဘက်က လည်း အညှာအတာ မရှိ တုန့်ပြန် မှာ ဖြစ်တယ် လို့ သမ္မတ ဖရော်န်ဆွာ အိုလော်န့် ပြော။ ပြင်သစ် နိုင်ငံ ပဲရစ် မြို့တော် မှာ ပြီးခဲ့တဲ့ ...
တိုက်ခိုက်မှုဆက်ဖြစ်နိုင်ခြေ ပြင်သစ်စိုးရိမ်
ပါရီမြို့တော်မှာ လုံခြုံရေးတပ်ဖွဲ့ဝင် တချို့ကို တွေ့ရစဉ် နိုဝင်ဘာ ၁၄၊ ၂၀၁၅ |
သောကြာနေ့ ညပိုင်းမှာ ပြင်သစ်နိုင်ငံ ပါရီမြို့တလွှား နေရာ ၆ နေရာမှာ လူပေါင်း ၁၂၉ ဦး သေဆုံးခဲ့ရပြီး လူပေါင်း ၃၅၀ လောက် ဒဏ်ရာရခဲ့တဲ့ တိုက်ခိုက်မှုကို သူတို့ လုပ်ဆောင်တာလို့ IS စစ်သွေးကြွအဖွဲ့က ကြေညာခဲ့ပါတယ်။ အကြမ်းဖက်သမား ၈ ဦးသေဆုံးခဲ့တယ်လို့ ပြောပေမဲ့ အကြမ်းဖက်သမားတွေ နောက်ထပ် ရှိမရှိ သေသေချာချာ မသိရသေးသလို၊ သူတို့ရဲ့ အစွယ်အပွားတွေ ပါရီမြို့တဝိုက် ပုန်းခိုနေမနေကိုလည်း ဘယ်သူမှ မသိကြသေးပါဘူး။
ပြင်သစ် သမ္မတ Francois Hollande ကလည်း ဒါဟာ ဒုတိယကမ္ဘာစစ်ပြီးချိန်ကစပြီး အသေအပျောက် အများဆုံးဖြစ်ရပ်ဖြစ်သလို ဒါဟာ IS စစ်သွေးကြွတွေရဲ့ လက်ချက်လို့ အပြစ်တင်ခဲ့ပါတယ်။ ဆီးရီးယားနဲ့ အီရတ်မှာ caliphate အစ္စလာမ်နိုင်ငံ ထူထောင်ဖို့ ဒီအကြမ်းဖက် အဖွဲ့က ကြိုးစားနေတာကို ဝိုင်းဝန်းဖိနှိပ်ဖို့ ကြိုးစားသူတွေအပေါ် တိုက်ခိုက်မှုတွေ လုပ်နေတာဖြစ်ပြီး ဒီအထဲမှာ ပြင်သစ်က ထိပ်ဆုံးက ပါနေတာမို့ ပစ်မှတ်ထား တိုက်ခိုက်တာလို့ ဆိုပါတယ်။
အခုတိုက်ခိုက်မှုမှာ သေဆုံးသွားတဲ့ တိုက်ခိုက်သူတွေဟာ ပြင်သစ်နိုင်ငံသားတွေ ဟုတ်မဟုတ် သူတို့ရဲ့ အစွယ်အပာါးတွေ နောက်ထပ် တိုက်ခိုက်ဖို့ စောင့်နေမှု ရှိမရှိ သိရအောင် အာဏာပိုင်တွေက ကျိုးစားရှာဖွေနေဆဲပဲလို့ ပြင်သစ်နိုင်ငံ အကြမ်းဖက် တိုက်ဖျက်ရေးအဖွဲ့ အရာရှိတဦးက ပြောပါတယ်။ နောက်ထပ် တိုက်ခိုက်မှုတွေ မလုပ်နိုင်အောင်လည်း အစောင့်တွေ တိုးချထားတာပါ။
အမေရိကန် သမ္မတ အိမ်ဖြူကတော့ သမ္မတ Barack Obama ဟာ တူရကီက G - 20 ထိပ်သီးအစည်းအဝေး မသွားခင် စနေနေ့က သူ့ရဲ့နိုင်ငံတော် လုံခြုံရေး အဖွဲ့နဲ့ တွေ့ဆုံခဲ့ပါတယ်။ သမ္မတ အိုဘားမားနဲ့ လက်ထောက်တွေက အခု ပါရီက အတိုက်ခိုက်ခံရမှုမှာ IS အဖွဲ့ နောက်ကွယ်က ရှိနေတယ်ဆိုတဲ့ ပြင်သစ်ထောက်လှမ်းရေးတွေရဲ့ တွေ့ရှိချက်အတွက် ကန့်ကွက်စရာမရှိကြောင်း ပြောပါတယ်။ အမေရိကန်နိုင်ငံမှာတော့ အခုအချိန်မှာ အိုင်အက်စ်တွေရဲ့ ခြိမ်းခြောက်မှု တော့ မရှိသေးဘူးလို့ သမ္မတ အိမ်ဖြူတော်က ပြောပါတယ်။
ဗွီအိုအေ (မြန်မာပိုင်း)
http://burmese.voanews.com
ပါရီမြို့တော်မှာ လုံခြုံရေးတပ်ဖွဲ့ဝင် တချို့ကို တွေ့ရစဉ် နိုဝင်ဘာ ၁၄၊ ၂၀၁၅ ပြင်သစ်သမ္မတ Francois Hollande က သူတို့အပေါ် စစ်ပွဲဆင်နွှဲတယ်လို့ ...
အကြမ်းဖက်မှု ပဲရစ်ရောက် မြန်မာတို့ အတွေ့အကြုံ
IS အစွန်းရောက် အကြမ်းဖက်သမားတွေရဲ့ တိုက်ခိုက်မှုဟာ ပြင်သစ်နိုင်ငံကို စစ်ကြေညာလိုက်တာ ဖြစ်တယ်လို့ ပြင်သစ်သမ္မတ François Hollande က ပြောကြားလိုက်ချိန်မှာပဲ အကြမ်းဖက်သမားတွေ ရန်ကနေ ၀ိုင်းဝန်းကာကွယ်ဖို့ လူထုကြားမှာ နိုးကြားမှုတွေ ရှိနေတယ်လို့ ပြင်သစ်ရောက် မြန်မာတွေက ဗွီအိုအေကို ပြောပါတယ်။
သောကြာနေ့ညက ပဲရစ်မြို့လယ် လူစည်းကားတဲ့နေရာ (၆) နေရာကို ပစ်မှတ်ထား တိုက်ခိုက်ခဲ့တဲ့ အခြေအနေတွေနဲ့ ပတ်သက်ပြီး ပဲရစ်မြို့မှာ နေထိုင်နေကြတဲ့ မြန်မာတချို့ကို မအင်ကြင်းနိုင်က ဆက်သွယ်မေးမြန်းထားပါတယ်။
ပဲရစ်မြို့မှာ IS အကြမ်းဖက်သမားတွေ အဓိကပစ်မှတ်ထား တိုက်ခိုက်ခဲ့တဲ့နေရာတွေဟာ ပြင်သစ်လူငယ်တွေ အသွားအလာ အများဆုံးနေရာ ဖြစ်တယ်လို့ ပဲရစ်မြို့မှာနေထိုင်တဲ့ ကိုထွေးက ပြောပါတယ်။
“ဘောလုံးကွင်းရှိတဲ့နေရာကို တိုက်တာကတော့ ရှင်းတယ်လေ။ အဲဒီမှာ François Hollande ရှိနေတယ်။ အဲဒီ ဘောလုံးပွဲကြည့်နေလို့ တိုက်တာပေါ့။ ကျန်တဲ့နေရာက အကုန်လုံးက ပြင်သစ်လူငယ်လေးတွေပဲ။ စတိတ်ရှိုးတခုမှာ တိုက်လိုက်တာ။ အဲဒီရပ်ကွက်ဟာ ပြင်သစ်ရပ်ကွက်၊ ပြင်သစ်ချာတိတ်တွေပဲ သွားတဲ့ရပ်ကွက်။ သူတို့ အဲဒီနေရာကို တမင် ရွေးတိုက်တာ။”
အကြမ်းဖက် တိုက်ခိုက်မှု ကြီးအပြီး စနေနေ့က လမ်းတွေပေါ်မှာ လူအသွားအလာ နည်းပါးခဲ့တယ်လို့လည်း ကိုထွေးက ပြောပါတယ်။
“လုံခြုံရေးကတော့ နေရာအနှံ့ပါပဲ။ ရဲတွေက ချထားတယ်လေ။ အခု ကျနော်က မနက် အလုပ်သွားတာပေါ့။ အလုပ်သွားတော့ လူတွေက အရမ်းကို ရှင်းနေတယ်။ မနက်ပိုင်းအလုပ်ကနေ ညနေပိုင်း အလုပ်ကူးတော့လည်း လူက သိပ်မရှိဘူး။ အရေးပေါ် လုံခြုံရေးအခြေအနေ ထုတ်ပြန်ထားတဲ့ အခါကျတော့ လူတွေကို အိမ်ထဲမှာပဲ နေခိုင်းထားတယ် အဲဒါကြောင့်။”
မေး - အကြမ်းဖက် တိုက်ခိုက်မှုတွေက ခဏခဏ ဖြစ်နေတဲ့အပေါ်မှာ ပြင်သစ်နိုင်ငံသားတွေပေါ့နော် ကိုထွေးတို့ကို ဘယ်လို ယူဆသလဲရှင့်။
ဖြေ - “ပြင်သစ်ကလေ ဥရောပမှာ ဂျူးတွေ အများဆုံး ခိုလှုံတဲ့ နိုင်ငံလည်းဖြစ်တယ်။ မူဆလင်တွေ အများဆုံးနေတဲ့ နိုင်ငံလည်းဖြစ်တယ်။ နောက်တခုက ပြင်သစ်က နိုင်ငံတကာရေးရာ ၀င်ရောက် စွက်ဖက်တဲ့အခါကျတော့ ဒီလိုမျိုး တုံ့ပြန်မှုတွေကတော့ ခံရတာပဲ။ နည်းနည်းတော့ စိတ်ပျက်တာပေါ့။ ကျနော်တို့အနေနဲ့ကတော့ နိုင်ငံခြားသားတွေပဲလေ။ နည်းနည်း အနေရ ကျပ်တယ်။”
အခုလို IS စစ်သွေးကြွအဖွဲ့ဝင်တွေရဲ့ တိုက်ခိုက်မှုကြောင့် ပြင်းပြင်းထန်ထန်ဒဏ်ရာရသူတွေကို ပဲရစ်မြို့သူမြိုသားတွေက ၀ိုင်းဝန်ကူညီနေကြတဲ့အပြင် အကြမ်းဖက်အန္တရာယ်ကို ၀ိုင်းဝန်ကာကွယ်ဖို့ နိုးကြားမှုတွေ ရှိနေတယ်လို့ ပဲရစ်မြို့က Science Po တက္ကသိုလ်မှာ ပညာသင်ကြားနေတဲ့ ကိုအောင်ခန့်က ပြောပါတယ်။
“ပြင်သစ်က ကြောက်လို့ရှိရင် ဒါ ရှုံးတယ်ဆိုပြီးတော့ မကြောက်ဘူး ဆိုပြီးတော့ အပြင်ထွက်ကြ၊ ကိုယ် လုပ်စရာရှိတာ လုပ်ကြ၊ အကူအညီပေးကြသူတွေကတော့ အကုန်လုံး ရှိပါတယ်။ ဆေးရုံက မနိုင်လောက်တဲ့အထိတောင် သွေးအလှူရှင်တွေ အများကြီး ရောက်ကြတယ်လို့ ကြားတယ်။”
လူအသေအပျောက်အများဆုံး ဖြစ်ခဲ့တာကတော့ ညဖက်လူစည်းကားတဲ့နေရာဖြစ်တဲ့ ဘာတာကလန် ဂီတ ဖျော်ဖြေပွဲ ခန်းမထဲမှာ ဖြစ်ပါတယ်။ အဲဒီမှာ ဖြစ်ခဲ့တဲ့ အခြေအနေတွေကို မနီးမဝေးမှာနေထိုင်တဲ့ ကိုအောင်ခန့် အခုလိုပြောပြပါတယ်။
“ဒီတီးဝိုင်းက ည ၈ နာရီလောက်ကတည်းက စတယ်ပေါ့။ အဲဒီမှာ လူတွေက အထဲမှာ ကျင်းပတဲ့အခန်းက လူ အယောက် ၅၀၀ လောက် ဆံ့တယ်။ ရှင်တဲ့လူတွေက ပြန်ပြောတာပေါ့နော်။ အဲဒီကို လူ ၄ ယောက်လောက် ၀င်လာတယ်တဲ့။ AK-47 တွေနဲ့ အကုန်ဝင်လာတာတဲ့။ ဘာမှ စကားလည်း မပြောဘူး။ အော်တာဟစ်တာလည်း ဘာမှ မကြားရဘူး။ ဒီအတိုင်းပဲ ပစ်ချလိုက်တာပဲလို့ ကျနော် ကြားတယ်။ တချို့လူတွေဆိုရင် အထဲမှာ ပိတ်မိပြီးတော့ ထွက်တောင် ထွက်လို့မရဘူးတဲ့။ ဘာလို့လဲဆိုရင် လူ အသေအရမ်းများလို့ တံခါးပေါက်ကိုတောင် မရောက်နိုင်ဘူးလို့ ပြောတယ်။ အဲဒီမှာ ခဏပုန်းနေရတယ်တဲ့။ နောက် ရဲတွေက ချက်ခြင်း ၀င်လာတော့ ရဲတွေကိုလည်း ထပ် ပစ်တယ်လို့ ကျနော် ကြားတယ်။”
လွန်ခဲ့တဲ့ (၁၀) လလောက်ကလည်း ပြင်သစ်နိုင်ငံမှာ ရှာလီ အက်ဘ်ဒို မဂ္ဂဇင်းတိုက်အပါအ၀င် ဂျူး လူမျိုးပိုင်ကုန်စုံဆိုင်တခုမှာလည်း အခုလိုမျိုး အကြမ်းဖက် တိုက်ခိုက်ခံခဲ့ရတာပါ။ ပြင်သစ်နိုင်ငံဟာ လူ့အခွင့်အရေးကို ရှေ့တန်းတင်တဲ့ နိုင်ငံတနိုင်ငံ ဖြစ်တာကြောင့် အကြမ်းဖက်သမားတွေက ဒီအပေါ်မှာ အသုံးချနေတာဖြစ်တယ်လို့ ဝေဖန်ပြောဆိုမှုတွေလည်း ရှိနေတာပါ။ အခုလို ထိတ်လန့်စရာ အခြေအနေတွေ ရှိနေပေမဲ့လည်း ပဲရစ်မြို့သူမြို့သားတွေကတော့ အကြမ်းဖက်သမားတွေရဲ့ လုပ်ရပ်ကို သူတို့အနေနဲ့ ကြောက်ရွံ့သွားမှာ မဟုတ်ဘူးလို့ ပြောကြပါတယ်ရှင်။
အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com
IS အစွန်းရောက် အကြမ်းဖက်သမားတွေရဲ့ တိုက်ခိုက်မှုဟာ ပြင်သစ်နိုင်ငံကို စစ်ကြေညာလိုက်တာ ဖြစ်တယ်လို့ ပြင်သစ်သမ္မတ François Hollande က ပြောကြားလို...
ပဲရစ်မြို့ တိုက်ခိုက်မှုအပေါ် နိုင်ငံတကာရဲ့ တုန့်ပြန်ချက်
ပဲရစ်မြို့ ကို အကြမ်းဖက် တိုက်ခိုက် တာဟာ သူတို့ အားလုံး အပေါ် တိုက်ခိုက် တာပဲ ဖြစ်တယ် ဆိုပြီး ဥရောပ သမဂ္ဂ အဖွဲ့ဝင် နိုင်ငံ တွေ အားလုံး က ကြေညာ ချက် ထုတ်ပြန် ပါတယ်။
ပြင်သစ်ပြည်ကြီး ဘေးကင်း လုံခြုံဖို့ အားလုံး ဝိုင်းဝန်း လုပ်ဆောင် ကြမယ် ဆိုပြီး တော့လည်း ကတိပေး ပြောဆို ထားပါတယ်။
အီတလီ နဲ့ ဘယ်လ်ဂျီယမ် အပါအဝင် နိုင်ငံတချို့ ကလည်း ပြင်သစ် နဲ့ နယ်စပ် တွေ မှာ လုံခြုံရေး တိုးမြှင့် လိုက် ပါတယ်။
ပိုလန် နိုင်ငံ မှာတော့ ဥရောပ ရေးရာ ဝန်ကြီး နေရာကို ဆက်ခံ တော့မယ့် ကော်န်ရတ် ရှီမန်စကီး က အခုလို အကြမ်းဖက်မှု မျိုး တွေ ကြောင့် ပိုလန် အနေနဲ့ ဥရောပ သမဂ္ဂ က သတ်မှတ် ထားတဲ့ ရွှေ့ပြောင်း ဝင်ရောက်သူ တွေ ကို အချိုးအစား ကိုယ်တာ အတိုင်း လက်ခံ ရယူရေး မူ ကို လက်သင့် မခံ နိုင်တာ ဖြစ်တယ် ဆိုပြီး ပြောပါတယ်။
ရုရှား သမ္မတ ဗလာဒီမီယာ ပူတင် က ပဲရစ် မြို့တော် ကို တိုက်ခိုက် မု ဟာ အရိုင်းအစိုင်း တွေ ရဲ့ အပြအမူ အကြမ်းဖက် လုပ်ရပ် ဖြစ်တယ် လို့ ဆိုပြီး လူသား တို့ရဲ့ ယာက်ကျေးမှု အဆောက်အဦ ကို စိန်ခေါ် ထိုးနှက် ချက်လည်း ဖြစ်တယ် လို့ ဆိုပါတယ်။
အဲဒီ့ တိုက်ခိုက်မှု တွေ အပေါ် စုံစမ်းရေး မှာ ရုရှား အစိုးရ အနေနဲ့ ပြင်သစ် နဲ့ အနီးကပ်ဆုံး ပူးတွဲ ဆောင်ရွက် သွားမယ် လို့လည်း သမ္မတ ပူတင် က ကတိ ပေး ပါတယ်။
တခါ၊ အမေရိကန် နိုင်ငံ ခြားရေး ဝန်ကြီး ဂျွန်ကယ်ရီ က လည်း ဒီလုပ်ရပ် ဟာ ယာဉ်ကျေးမျု အမှောင်ကျ နေတဲ့ ဥရောပ အလယ်ခေတ် လုပ်ရပ် ဖြစ်သလို ခေတ်သစ် ဖက်ဆစ် ဝါဒ လည်း ဖြစ်တယ် ဆိုပြီး ပြင်းပြင်း ထန်ထန် ရှုတ်ချ ခဲ့ ပါတယ်။
ဂျာမနီ ဝန်ကြီးချုပ် အိန်ဂလာ မာ့ခဲလ် က တော့ အစွန်းရောက် တွေ က တိုက်ခိုက် လာတဲ့ ဥရောပ ရဲ့ စံတန်ဖိုး တွေကို ပြင်သစ် နဲ့ အတူ သွေးစည်း ညီညွတ် စွာနဲ့ လက်တွဲ ကာကွယ် သွားမယ် လို့ ဆိုပါတယ်။
ဗြိတိန် ဝန်ကြီး ချုပ် ဒေးဗစ် ကင်မရွန် ကလည်း ကျူးလွန် သူတွေ ကို ကြမ်းကြုတ်တဲ့ လူသတ်သမား တွေ ဆိုပြီး ရှုတ်ချ ပါတယ်။ ဒါ့အပြင် ပဲရစ် မြို့တော် အကြမ်းဖက် ခံရတာ ဟာ ဥရောပ တလွှား ၁၀ စုနှစ် အတွင်း အဆိုးဝါးဆုံး ဖြစ်ရပ် လို့ လည်း ပြောကာ သေဆုံးသူတွေ ထဲ ဗြိတိန် နိုင်ငံသား တွေ ပါဝင် နိုင်တယ် လို့ ပြောပါတယ်။
BBC Burmese
https://www.facebook.com/bbcburmese
ပဲရစ်မြို့ ကို အကြမ်းဖက် တိုက်ခိုက် တာဟာ သူတို့ အားလုံး အပေါ် တိုက်ခိုက် တာပဲ ဖြစ်တယ် ဆိုပြီး ဥရောပ သမဂ္ဂ အဖွဲ့ဝင် နိုင်ငံ တွေ အားလုံး က ကြေည...
ပြင်သစ်မှာလုပ်မယ့် အားကစားပွဲတွေရွေ့ဆိုင်း
သောကြာနေ့ ပဲရစ်တိုက်ခိုက်မှုနောက်ပိုင်း ပြင်သစ်မှာကျင်းပမယ့်အားကစားပွဲတွေကို လုံခြုံရေးအရ ရွေ့ဆိုင်း လိုက်ပြီဖြစ်ပါတယ်။
ပြင်သစ်နဲ့ဂျာမနီကစားခဲ့ကြတဲ့ ချစ်ကြည်ရေးဘောလုံးပွဲကျင်းပရာ Stade de France ကွင်းကြီးကိုတိုက်ခိုက်ဖို့အသေခံဗုံးခွဲသမား၃ဦး ဘောလုံးကွင်းကြီးအပြင်ဖက်မှာ ပေါက်ကွဲမှုအတွင်းသေဆုံး ခဲ့ပါတယ်။
အကြမ်းဖက်သမားတွေတိုက်ခိုက်ခဲ့တဲ့အဓိကပစ်မှတ်တွေထဲမှာ Stade de France ဘောလုံးကွင်းကြီးလည်းတစ်ခုပါဝင်ပါတယ်။ကွင်းအပြင်မှာ ပေါက်ကွဲမှုဖြစ်ချိန်က ပြင်သစ်သမ္မတ Francois Hollande လည်းဘောလုံးကွင်းကြီးထဲ ဘောလုံးပွဲကြည့်နေပါတယ်။
အဲဒီပွဲမှာ အိမ်ရှင်ပြင်သစ် ကမ္ဘာ့ချန်ပီယံဂျာမနီကို ၂ဂိုးနဲ့ အနိုင်ရခဲ့ပါတယ်။ပွဲအပြီးမှာ အပြင်ထွက်လို့မရတဲ့အတွက် ပရိတ်သတ်တွေ ကွင်းထဲဝင်ပြီး အခြေနေကိုစောင့်နေခဲ့ရပါတယ်။ လာမယ့်အင်္ဂါနေ့မှာ လန်ဒန် ဝင်ဘလေကွင်းမှာကစားမယ့် ပြင်သစ်နဲ့ အင်္ဂလန်အသင်း ချစ်ကြည်ရေးပွဲကိုတော့ ကစားမယ်လို့ ပြင်သစ်ဘောလုံးအဖွဲ့ချုပ်ကပြောထားပါတယ်။ ကမ္ဘာအနှံ့အပြားမှာပြုလုပ်တဲ့ အားကစားပွဲတွေမှာ ပြင်သစ်မှာ သေဆုံးခဲ့တဲ့ အပြစ်မဲ့သူတွေ အတွက် ဝမ်းနည်းချင်းအထိမ်းမှတ်များပြုလုပ်ခဲ့ကြပါတယ်။
BBC Burmese
http://www.bbc.com/burmese
သောကြာနေ့ ပဲရစ်တိုက်ခိုက်မှုနောက်ပိုင်း ပြင်သစ်မှာကျင်းပမယ့်အားကစားပွဲတွေကို လုံခြုံရေးအရ ရွေ့ဆိုင်း လိုက်ပြီဖြစ်ပါတယ်။ ပြင်သစ်နဲ့ဂျာမနီကစား...
ကိုယ်ဝန်ဆောင်ချိန် ကာလအတွင်း မိခင်လောင်းတွေ လုံးဝရှောင်ကြဉ်သင့်တဲ့ အရာများ
========================================= ကိုယ်ဝန်ဆောင်ချိန်ဆိုတာ အစစအရာရာကို ဂရုစိုက်၊သတိထားရမယ့်အချိန်မှာ။ တစ်နေ့ စားတဲ့ အစားအစာကနေ သာမန်လ...
မျက်နှာသစ်တဲ့အခါ လူတွေမှားယွင်း လုပ်ဆောင်နေကြတဲ့ အချက် (၁၀) ချက်
====================================================== မျက်နှာသစ်တယ်ဆိုတာ အလှအပနဲ့ပတ်သက်တဲ့ လုပ်ငန်းဆောင်တာတွေထဲ ရှုပ်ထွေးမှု အနည်းဆုံး အပိုင်...
သန်မာတဲ့ ခြေထောက်တွေ ပိုင်ဆိုင်ခြင်းက ဦးနှောက်စွမ်းအားကိုပါ တိုးတက်ကောင်းမွန်စေနိုင်
=================================================== ကိုယ့်ခြေထောက်၊ပေါင်တံလေးတွေ လှရဲ့လားဆိုတာကို တွေးတောပူပန်နေခြင်းက သင့်ဦးနှောက်ရဲ့ စွမ်...
ရခိုင်တိုင်းရင်းသား တစ်ယောက်ဖြစ်ရတာကို ဂုဏ်ယူပါတယ်ဆိုတဲ့ နေတိုး
====================================================== ၂၀၁၅ ရွေးကောက်ပွဲမှာ မဲလေးမဲပေးခွင့်ရခဲ့တဲ့အတွက် စိတ်ကျေနပ်မိတဲ့ နေတိုးက မြန်မာနိုင်င...
Friday, November 13, 2015
အွန်လိုင်းမလိုဘဲ ရှာဖွေမှုနဲ့ လမ်းညွှန်စနစ်တွေကို Google Maps မှာ offline အသုံးပြုနိုင်ပြီ
================================================ Google Maps ဆိုတာ တကယ့်ကိုအသုံးဝင်ဆုံး app တစ်ခုဖြစ်ပြီး ယခုအခါ Google ဟာ Android Maps app ...
လွိုင်လင်ခရိုင် တိုက်ပွဲများကြောင့် ထွက်ပြေးရသူ လေးထောင်ကျော်ပြီ
ရှမ်းပြည်နယ်မှာ တိုက်ပွဲတွေဖြစ်ပွားနေတဲ့အတွက် နေရပ်စွန့်ခွာထွက်ပြေးလာတဲ့ ဒုက္ခသည်တချို့ကို နိုဝင်ဘာလ ၂ ရက်နေ့တွင် တွေ့ရစဉ်။ Photo: Kan Thar/ RFA |
မိုင်းရှူးမြို့နယ် ဝမ်ဆော့ကျေးရွာအနီးမှာ လက်နက်ကြီးတွေ ကျရောက်ပေါက်ကွဲတာကြောင့် ပြီးခဲ့တဲ့ သုံးလေးရက်ကတည်းက ထွက်ပြေးလာတာလို့ ဝမ်ဆော့ကျေးရွာသူ မနန်းရွှေလူက ပြောပါတယ်။
"ရွာနားမှာစစ်ပွဲတွေဖြစ်ခါကျတော့ လက်နက်ကြီးနဲ့ ရွာထဲပစ်လာခါကျတော့ အဲ့ဒါကြောင့် ထိမှာစိုးလို့ ရောက် လာကြတာရှင့်၊ သမီးတို့ကတော့ ဖြစ်တာနဲ့ထွက်လာတာ ၁ဝ ရက်နေ့မနက် ၂ နာရီခွဲကတည်းက ထလာ ရတာရှင့် တချို့လူတွေကလည်း ကိုယ်ပိုင်ကားနဲ့ပေါ့၊ တချို့လူတွေကလည်း လိုင်းကားနဲ့လာကြတာများတယ်၊ ပြီးတော့ မရောက်သေးတဲ့လူတွေကျတော့ တီဝိုင်အိုအဖွဲ့ကနေတဆင့် သူတို့ကားလွှတ်တာရှိတယ်၊ ဒီနေ့ရောက် မယ်လို့ ထင်တာပဲရှင့်"
မိုင်းရှူးမြို့နယ် ဝမ်ဆော့ကျေးရွာနဲ့ ကျေးသီးမြို့နယ် ဟိုက်ပါကျေးရွာတွေမှာ ပြီးခဲ့တဲ့အောက်တိုဘာလ ၆ ရက်နေ့က တိုက်ပွဲတွေစတင်ဖြစ်ပွားနေတာဖြစ်ပြီး အောင်မင်္ဂလာမန်ဆူရှမ်းကျောင်းကို ရောက်ရှိနေသူ ၁၅ဝ ကျော်သွား ပြီဖြစ်ပါတယ်။
မနေ့က ထပ်မံထွက်ပြေးလာသူ ၅ဝ ကျော်ကို လားရှိုးမြို့က ရှမ်းလူငယ်အဖွဲ့အစည်းတွေနဲ့ ဒေသခံတွေက သွားရောက်ခေါ်ဆောင်နေတယ်လို့လည်း သိရပါတယ်။
RFA Burmese
http://www.rfa.org/burmese
ရှမ်းပြည်နယ်မှာ တိုက်ပွဲတွေဖြစ်ပွားနေတဲ့အတွက် နေရပ်စွန့်ခွာထွက်ပြေးလာတဲ့ ဒုက္ခသည်တချို့ကို နိုဝင်ဘာလ ၂ ရက်နေ့တွင် တွေ့ရစဉ်။ Photo: Kan Thar/...
မြန်မာ အပေါ် ဒဏ်ခတ်မှု ကန် ရုပ်သိမ်းဦးမည် မဟုတ်
မြန်မာနိုင်ငံမှာ ရွေးကောက်ပွဲတွေ အောင်အောင်မြင်မြင် ကျင်းပတာလို တိုးတက်ဖြစ်ထွန်းမှုတွေ တွေ့ရပေမဲ့ နိုင်ငံရေး၊ လူ့အခွင့်အရေး အခြေအနေတွေကြောင့် အမေရိကန်ပြည်ထောင်စုက အရေးယူဒဏ်ခတ်မှုတွေ ချမှတ် ထားတာကိုတော့ ချက်ခြင်းရုပ်သိမ်းဖို့ မရှိသေးဘူးလို့ အမေရိကန် က ပြောဆို လိုက်ပါတယ်။ မြန်မာနိုင်ငံက နိုင်ငံရေး အခြေအနေတွေ ကို စောင့်ကြည့်ရဦးမှာ ဖြစ်တဲ့အကြောင်း အမေရိကန်နိုင်ငံခြားရေး ၀န်ကြီးဌာန လက်ထောက်ပြောခွင့်ရပုဂ္ဂိုလ် Mark Toners က သောကြာနေ့ သတင်းစာ ရှင်းလင်းပွဲမှာ ပြောဆိုသွားခဲ့တာ ဖြစ်ပါတယ်။
“မြန်မာနိုင်ငံမှာ လွတ်လပ်တဲ့ ရွေးကောက်ပွဲတွေကို ငြိမ်းငြိမ်းချမ်းချမ်း ကျင်းပနိုင်ခဲ့ တာဟာ ကောင်းမွန်တိုးတက်တဲ့ ခြေလှမ်းဖြစ်ပေမဲ့ - ဒီမိုကရေစီ ပြုပြင်ပြောင်းလဲ မှုတွေကို ဆက်လုပ် - မလုပ် ဆိုတာကို ကျနော်တို့ စောင့်ကြည့်ရဦးမှာဖြစ်ပါတယ်။ ဒါကြောင့် လောလောဆယ် မှာ မြန်မာနိုင်ငံ အပေါ် ချမှတ်ထားတဲ့ ဒဏ်ခတ် အရေးယူမှုတွေကို ရုပ်သိမ်းဖို့ရာ မရှိသေးဘူးတဲ့အကြောင်း - ပြောခွင့်ရ ပုဂ္ဂိုလ်က ပြောဆိုသွားခဲ့တာပါ။
ဒါ့အပြင် ရွေးကောက်ပွဲတွေမှာ အတိုက်အခံ NLD အမျိုးသားဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည် ပါဝင်ယှဉ်ပြိုင်ခွင့်ရှိပေမဲ့ သမ္မတဖြစ်ခွင့်မရှိတဲ့ ကြိုတင် ကန့်သတ်ချက်တွေ ရှိနေတာ၊ ပြီးတော့ လွှတ်တော်ထဲမှာ ရွေးကောက်တင်မြှောက်မထားတဲ့ ၂၅ ရာခိုင်နှုန်းသော တပ်မတော်သားကိုယ်စားလှယ်တွေ ပါရှိနေတာဟာ ဒီမိုကရေစီနည်းလမ်းနဲ့ ဆန့်ကျင်နေတယ်ဆိုပေမဲ့ - မြန်မာနိုင်ငံမှာ ဒီမိုကရေစီ ပြုပြင် ပြောင်းလဲမှုတွေ၊ ဆက်လက်လုပ်ဆောင်ဖို့၊ လူ့အခွင့်အရေးကို ကာကွယ်ဖို့နဲ့ ရခိုင်ပြည်နယ်ဖြစ်ပွားနေတဲ့ ပဋိပက္ခတွေကို ဖြေရှင်းဖို့ - မြန်မာအစိုးရကို အမေရိကန်က တိုက်တွန်းသွားမှာပါလို့လည်း မစ္စတာ Toners က သတင်းစာ ရှင်းလင်းပွဲမှာ ပြောသွားခဲ့ပါတယ်။
သောကြာနေ့အထိ ပြည်ထောင်စုရွေးကောက်ပွဲ ကော်မရှင်ရဲ့ တရားဝင်မဲရလဒ် ထုတ်ပြန်ချက်အရ မဲအားလုံးရဲ့ ၈၀ ရာခိုင်နှုန်းကျော်ကို ရေတွက်ပြီးချိန် မှာ ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီအဖွဲ့ချုပ် (NLD) ပါတီက မဲအများစုနဲ့ အနိုင်ရရှိထားတာပါ။
အစိုးရဖွဲ့နိုင်မယ့် အရေအတွက်အထိ လွှတ်တော်ကိုယ်စားလှယ် အရေအတွက်ရရှိထားတဲ့ NLD ပါတီ အနေနဲ့ ဒုတိယသမ္မတလောင်း ၂ ဦးအတွက် အမည်စာရင်း တင်သွင်းခွင့်လည်း ရရှိတော့မှာပါ။
လွှတ်တော်တွင်းက တပ်မတော်သား ကိုယ်စားလှယ်တွေက တင်သွင်းမယ့်သူတဦး အပါအ၀င် ဒုတိယသမ္မတလောင်း ၃ ဦးထဲက သမ္မတတဦး ရွေးချယ်ရမှာ ဖြစ်တဲ့ အတွက်လည်း NLD က သမ္မတတစ်ဦး တင်မြှောက်ခွင့် ရနိုင်မယ့် အလားအလာတွေ ရရှိထားတာပါ။
၂၀၀၈ ခုနှစ် အခြေခံဥပဒေအရ သမ္မတအဖြစ် တာဝန်ယူခွင့် မရှိတဲ့ ဒေါ်အောင်ဆန်းစုကြည် ကတော့ ရွေးကောက်ပွဲမှာ သူ့ပါတီနိုင်ရင် သမ္မတအထက်မှာ တာဝန်ယူမယ်လို့ မကြာသေးခင်ကပဲ ပြောဆိုထားပါတယ်
ဗွီအိုအေ (မြန်မာပိုင်း)
http://burmese.voanews.com
မြန်မာနိုင်ငံမှာ ရွေးကောက်ပွဲတွေ အောင်အောင်မြင်မြင် ကျင်းပတာလို တိုးတက်ဖြစ်ထွန်းမှုတွေ တွေ့ရပေမဲ့ နိုင်ငံရေး၊ လူ့အခွင့်အရေး အခြေအနေတွေကြောင့်...
ပဲရစ်အကြမ်းဖက် တိုက်ခိုက်ခံရမှု လူ အနည်းဆုံး ၁၀၀ ကျော် သေဆုံး
ဓားစာခံ အမြောက်အများကို ဖမ်းထားပြီး အကြမ်းဖက်သမားတွေ သိမ်းပိုက် ထားတဲ့ ပြင်သစ်နိုင်ငံ ပဲရစ်မြို့က ဂီတရုံကို ရဲတွေက ၀င်ရောက် စီးနင်းရာမှာ အခု ပြီးဆုံးသွားပြီဖြစ်ပါတယ်။ ပြင်သစ်နိုင်ငံ ပဲရစ်မြို့တော်မှာ အကြမ်းဖက် သမားတွေ က မောင်း ပြန်သေနတ်တွေ ဖောက်ခွဲရေး ပစ္စည်းတွေနဲ့ တပြိုင်နက်တည်း တိုက်ခိုက်မှုတွေ ပြုလုပ်ခဲ့တဲ့အတွက် အမေရိကန်တီးဝိုင်းတခုက ဖျော်ဖြေနေတဲ့ အဲဒီဂီတရုံ တနေရာတည်းမှာတင် လူ အနည်းဆုံး ၁၀၀ ကျော် သေဆုံးခဲ့ပါတယ်။
သေဆုံးသူတွေကြားထဲမှာ သေနတ်သမား ၂ ယောက်လည်း ပါဝင်တယ်လို့ သိရပါတယ်။ လူ တထောင်ခန့် ကြည့်ရှုနေတဲ့ ဒီကပွဲရုံမှာ ရုရှား လုပ် Kalashnikov မောင်းပြန် သေနတ်တွေ နဲ့ ပစ်ခတ်ခဲ့တာဖြစ်ပြီး - လူအများအပြား ထွက်ပြေးလွတ်မြောက်နိုင်ခဲ့ပေမဲ့ ဘယ်နှစ်ယောက်လောက် ဓားစာခံအဖြစ် ဖမ်းဆီးခံရတယ်၊ သတ်ဖြတ်ခံရတယ် ဆိုတာကတော့ ရှင်းရှင်းလင်းလင်း မသိရသေးပါဘူး။ ဒီတိုက်ခိုက်မှုတွေဟာ ဘယ်သူ့လက်ချက်ဆိုတာ အခုထိ မသိရသေးပါဘူး။
ပြင်သစ်သမ္မတ Francois Hollande ကတော့ - နယ်စပ်တွေကို ပိတ်ပစ်လိုက်သလို - ပထမဆုံး တိုက်ခိုက်မှုအပြီး နာရီပိုင်းအကြာမှာပဲ အရေးပေါ် အခြေအနေ ကြေညာခဲ့ပါတယ်။
ဒီလို နယ်စပ်ကို ပိတ်ထားလိုက်တာဟာ ၂၁ ရာစု ဥရောပမှာ ပထမဦးဆုံး လုပ်ရပ်ဖြစ်ပါတယ်။
အမေရိကန်သမ္မတ အိုဘားမား ကတော့ အမေရိကန်ပြည်ထောင်စု အနေနဲ့ ဖြစ်နိုင်တဲ့ နည်းပေါင်းစုံနဲ့ ကူညီဖို့ အဆင်သင့်ရှိတယ်လို့ ပြောဆိုခဲ့ပါတယ်။
အစောပိုင်းမှာတုန်းကလည်း ဗြိတိန်ဝန်ကြီးချုပ် David Cameron ကလည်း - သူတို့အနေနဲ့ တတ်နိုင်သလောက် ကူညီသွားမှာဖြစ်ပြီး၊ ပြင်သစ်ပြည်သူ တွေ အတွက် ဆုတောင်းပေးနေပါတယ်လို့ ပြောဆို ခဲ့သလို၊ ကုလသမဂ္ဂ အတွင်းရေးမှူးချုပ် ဘန်ကီမွန်းကလည်း ဒီတိုက်ခိုက်မှုကို ရှုတ်ချခဲ့ပြီးတော့ - ဓားစာခံတွေကို အမြန်ဆုံး လွှတ်ပေးဖို့ကိုလည်း တောင်းဆိုခဲ့ပါတယ်။
ပြင်သစ်က အိမ်ရှင်အဖြစ် ကျင်းပပြီး ဂျာမနီအသင်းနဲ့ ဘောလုံးကန်နေချိန် - ပဲရစ်မြို့မြောက်ဘက်က အမျိုးသားအားကစားကွင်းအနီး စားသောက်ဆိုင် တခုမှာ ဖောက်ခွဲတိုက်ခိုက်မှု ဖြစ်ခဲ့တာပါ။ ဒီတိုက်ခိုက်မှုအတွင်း လူတော်တော်များများ သေဆုံးခဲ့တယ်လို့ ဆိုပါတယ်။ ပေါက်ကွဲမှုကြောင့် အားကစားကွင်းအတွင်းကလည်း ကြားခဲ့ရပြီး ဒီဘောလုံးပွဲမှာ ပြင်သစ်သမ္မတ Francois Hollande လည်း သွားရောက် ကြည့်ရှုနေပြီး၊ သူ့ကို ရဲတွေက ခေါ်ထုတ်သွားခဲ့သလို၊ ဘောလုံးပွဲကို ရပ်လိုက်တဲ့အခါမှာလည်း ပရိသတ်တွေဟာ ကြောက်လန့်တကြား ထွက်ပြေးခဲ့ကြပါတယ်။
ဗွီအိုအေ (မြန်မာပိုင်း)
http://burmese.voanews.com
ဓားစာခံ အမြောက်အများကို ဖမ်းထားပြီး အကြမ်းဖက်သမားတွေ သိမ်းပိုက် ထားတဲ့ ပြင်သစ်နိုင်ငံ ပဲရစ်မြို့က ဂီတရုံကို ရဲတွေက ၀င်ရောက် စီးနင်းရာမှာ အခု...